Paskitan Blast Case: پاکستان میں دہشت گردوں نے ریموٹ سے اڑا دی گاڑی، یونین کاؤنسل کے صدر سمیت 7 افراد ہلاک

Paskitan Blast Case: پاکستان میں پیرکی رات ایک بڑا دہشت گردانہ حملہ ہوا۔ دہشت گردوں نے ریموٹ سے ایک گاڑی کو اڑا دیا، جس میں 7 لوگوں کی موت ہوئی ہے۔ یہ پورا معاملہ بلوچستان کے پنجگرضلع کا ہے۔ دہشت گردوں نے لینڈ مائن بچھا رکھی تھی۔ جیسے گاڑی لینڈ مائن سے گزری، دہشت گردوں نے دھماکہ کردیا۔ دھماکہ اتنا خطرناک تھا کہ گاڑی کے پرخچے اڑگئے۔ معاملے کی جانچ شروع کی گئی ہے۔

نشانہ بناکر گاڑی کو اڑا دیا

ڈان کی رپورٹ کے مطابق، پنجگرکے ڈپٹی کمشنرامجد سومرونے بتایا کہ بلاگتریونین کاؤنسل کے چیئرمین اشتیاق یعقوب ایک شادی تقریب سے لوٹ رہے تھے۔ ان کے ساتھ دیگرلوگ بھی کارمیں سوارتھے۔ دہشت گردوں نے ان کی گاڑی کو نشانہ بنانے کے لئے ایک رموٹ دھماکہ آلہ لگایا تھا۔ جیسے ہی گاڑی بلاگترعلاقے میں چکربازارپہنچی، دھماکہ ہوگیا۔ اس دھماکے میں 7 افراد کی جائے حادثہ پرہی موت ہوگئی۔

رشتہ داروں نے مہلوکین کی شناخت کی

مہلوکین کی شناخت محمد یعقوب، محمد ابراہیم، واجد، فدا حسین، سرفراز اورحیدر کے طور پرہوئی ہے۔ انہوں نے بتایا کہ مہلوک بلاگتراور پنجگر کے رہنے والے تھے۔ مہلوکین میں سے چار کی پہچان ان کے رشتہ داروں نے ایک اسپتال میں کی۔ ایک کی پہچان نہیں ہوسکی ہے۔

کیا بلوچ لبریشن فرنٹ دھماکے میں ہے شامل؟

سال 2014 میں بھی ایسا ہی ایک حملہ پنجگرضلع میں ہوا تھا۔ تب 10 افراد کی موت ہوئی تھی۔ ممنوعہ بلوچ لبریشن فرنٹ (بی ایل ایف) نے حملے کی ذمہ داری لی تھی۔ افسران کو آج کے حادثہ میں اسی تنظیم کے شامل ہونے کا خدشہ ہے۔ دراصل، خیبرپختونخوا اوربلوچستان میں دہشت گردانہ سرگرمیوں میں اضافہ ہوا ہے۔ وجہ نومبر میں ممنوعہ دہشت گردانہ گروپ تحریک طالبات پاکستان نے حکومت کے ساتھ اپنی جنگ ختم کردی ہے۔