ASEAN-India Maritime Exercise: آسیان-انڈیا میری ٹائم مشق میں شرکت کے لیے دو ہندوستانی بحریہ کے جہاز سنگاپور میں

ASEAN-India Maritime Exercise: ہندوستانی بحریہ کے دو فرنٹ لائن جنگی جہاز آسیان-انڈیا میری ٹائم مشق کے افتتاحی ایڈیشن میں شرکت کے لیے پیر کو سنگاپور پہنچے۔ افسران نے یہ معلومات فراہم کیں۔ مشق کا ہاربر مرحلہ 2 سے 4 مئی تک چانگی نیول بیس(Changi Naval Base) پر جب کہ سمندری مرحلہ 7 سے 8 مئی تک بحیرہ جنوبی چین میں منعقد کیا جائے گا۔

گزشتہ چند برسوں میں بحیرہ جنوبی چین میں چین کی طرف سے بڑی فوجی جارحیت دیکھنے میں آئی ہے۔

سنگاپور پہنچنے والے ہندوستانی بحریہ کے دو بحری جہاز آئی این ایس ست پورہ اور آئی این ایس دہلی ہیں۔

وزارت دفاع نے کہا کہ آسیان-انڈیا میری ٹائم مشق (AIME-2023) ہندوستانی بحریہ اور آسیان بحریہ کو ایک دوسرے کے ساتھ مل کر کام کرنے اور سمندری حدود میں بغیر کسی رکاوٹ کے آپریشن کرنے کا موقع فراہم کرے گی۔

آئی این ایس دہلی ہندوستان کا پہلا دیسی ساختہ گائیڈڈ میزائل ڈسٹرائر ہے۔قابل ذکر بات یہ ہے کہ آئی این ایس ست پورہ ایک دیسی ساختہ گائیڈڈ میزائل اسٹیلتھ فریگیٹ ہے۔

دونوں جہاز وشاکھاپٹنم میں واقع بحریہ کے مشرقی بیڑے کا حصہ ہیں۔ بحری جہاز جدید ترین ہتھیاروں اور سینسرز سے لیس ہیں۔

وزارت نے ایک بیان میں کہا کہ یہ جہاز، سنگاپور میں اپنی پورٹ کال کے دوران، بین الاقوامی میری ٹائم دفاعی نمائش (IMDEX-23) اور سنگاپور کی میزبانی میں بین الاقوامی میری ٹائم سیکورٹی کانفرنس (IMSC) میں بھی شرکت کریں گے۔