Trump Warns Iran: ’’بہتر ہوگا کہ مذاکرات کو سنجیدگی سے لیں، کہیں دیر نہ ہو جائے…‘‘، ٹرمپ کی ایران کو دھمکی

واشنگٹن: امریکی صدر ڈونلڈ ٹرمپ نے دعویٰ کیا ہے کہ ایران ان کے سامنے گڑگڑاہ رہا ہے اور ڈیل کی بھیگ مانگ رہا ہے۔ ٹرمپ کا کہنا تھا کہ ایرانی مذاکرات کار بہت عجیب رویہ رکھتے ہیں۔ انہوں نے دھمکی آمیز انداز میں کہا کہ تہران کو ’’جلد ہی سنجیدہ ہو جانا چاہیے، اس سے پہلے کہ بہت دیر ہو جائے۔‘‘

صدر ٹرمپ کا پیغام اور ایرانی رویہ

اپنے ٹروتھ سوشل ایپ پر ٹرمپ نے کہا، ’’ایرانی مذاکرات کار بہت الگ اور عجیب ہیں۔ وہ ہم سے ڈیل کرنے کی ’گزارش‘ کر رہے ہیں، جو انہیں کرنی چاہیے کیونکہ وہ فوجی طور پر ختم ہو چکے ہیں، اور ان کے پاس واپس آنے کا کوئی موقع نہیں ہے، اور پھر بھی وہ سب کے سامنے کہتے ہیں کہ وہ صرف ’ہمارے پیشکش کو دیکھ رہے ہیں۔‘ غلط!!! انہیں جلد ہی سنجیدہ ہو جانا چاہیے، اس سے پہلے کہ بہت دیر ہو جائے، کیونکہ ایک بار ایسا ہو گیا، تو پیچھے مڑنا ممکن نہیں ہوگا، اور یہ اچھا نہیں ہوگا!‘‘

ایران کی جانب سے متضاد اشارے

ایران نے مذاکرات کی ممکنہ صورتحال پر ملے جلے اشارے دیے ہیں، جب یہ خبریں آئیں کہ ٹرمپ انتظامیہ نے اس ہفتے کی شروعات میں پاکستان کے ذریعے تہران کو 15 نکاتی جنگ بندی منصوبہ پیش کیا تھا۔ عوامی سطح پر، ایرانی سرکاری میڈیا نے بتایا کہ تہران نے اس پیشکش کو مسترد کر دیا ہے۔

ایران کی وضاحت اور عالمی تناظر

ایران کے وزیر خارجہ عباس عراقچی نے سرکاری میڈیا کو بتایا کہ ان کی حکومت نے جنگ ختم کرنے کے لیے مذاکرات نہیں کیے اور نہ ہی کوئی بات چیت کی منصوبہ بندی ہے۔ حالانکہ، انہوں نے تسلیم کیا کہ امریکہ نے دوسرے ممالک کے ذریعے ایران کو پیغام بھیجنے کی کوشش کی تھی، لیکن انہوں نے کہا کہ یہ ’نہ تو مذاکرات تھے اور نہ ہی کوئی نیگوشی ایشن۔‘

دھمکی، انتباہ اور اختلاف رائے کے درمیان، مغربی ایشیا ہی نہیں بلکہ پوری دنیا کے لیے 27 مارچ کا دن کافی اہم ہے۔ 23 مارچ کو ٹرمپ نے ایران کے ساتھ بات چیت کا دعویٰ کرتے ہوئے کہا تھا کہ مذاکرات ’مثبت اور تعمیری‘ ہیں، اس لیے وہ ایران کے توانائی کے پلانٹس پر حملے کے فیصلے کو ’5 دن کے لیے مؤخر کر رہے ہیں۔‘ اس کی مدت جمعہ کو ختم ہو رہی ہے۔

بھارت ایکسپریس۔