Saudi woman graduated at the age of 70: سعودی خاتون نے 70 سال کی عمر میں گریجویشن کی ڈگری حاصل کی

Saudi woman graduated at the age of 70: امید ختم ہوگئی تھی لیکن پھر بھی کوشش جاری تھی  اور آخر کار میں نے اسے واپس حاصل کر لیا جس کیلئے میری ضد تھی۔ 70 سالہ سعودی خاتون سلویٰ العمانی نے  ان خیالات کا اظہار کیا ہے  جنہوں نے عمر کے اس آخری پڑاو میں پہنچنے کے بعد امام عبدالرحمٰن بن فیصل یونیورسٹی سے امتیازی ڈگری حاصل کی ہے۔ یہ کامیابی اس کی تعلیم کے 46 سال کے وقفے کے بعد حاصل ہوئی ہے، جس نے یہ ثابت کیا کہ خوابوں کے تعاقب میں رہنے والوں کو کبھی ناکامی نہیں ملتی ۔ 17 سال کی عمر میں، اس نے اپنا ہائی اسکول بہترین درجات کے ساتھ مکمل کیا اور کیمسٹری پڑھنے کی خواہش تھی۔ تاہم، زندگی نے ایک مختلف رخ اختیار کیا، شادی اور دیگر ذمہ داریوں نے اسے مزید تعلیم سے دور کر دیا۔ ازدواجی زندگی اور گھرکی ذمہ داریوں کے بوجھ کے باوجود ان کی تعلیم کی خواہش برقرار رہی۔

سلویٰ نے کہا کہ اگرچہ میں 46 سال سے اسکول سے دور رہی ہوں، لیکن علم کی تڑپ میرے دل و دماغ میں بڑی مضبوطی کے ساتھ برقرار رہی ہے۔ 2016 میں، میں نے مختلف چیلنجوں کا سامنا کرتے ہوئے اپنی پڑھائی میں واپس آنے کے طریقوں پر تحقیق کرنا شروع کر دی، جیسے کہ پرانے نظام اور اپنے ماضی کے ہائی سکول گریجویشن کی کھوئی ہوئی دستاویزات وغیرہ دیکھنے لگی۔ مشرقی علاقے میں محکمہ تعلیم کے ساتھ مسلسل کوششوں اور مسلسل رابطے کے ذریعے سلویٰ نے تعلیم حاصل کرنے کی منظوری حاصل کی۔ اس کے باوجود ضروری اسناد حاصل کرنے کے لیے اسے مڈل اور ہائی اسکول کا دوبارہ دروازہ کھٹکھٹانا پڑا۔ اس ضرورت سے بے نیاز، اس نے چیلنج کو قبول کیا اور ہائی اسکول سے دوبارہ گریجویشن کر لیا۔

 سلویٰ نے بعد میں امام عبدالرحمن بن فیصل یونیورسٹی میں داخلہ لیا، جہاں اس نے سماجیات میں بیچلر کی ڈگری حاصل کی۔ اس نے گریجویشن کے لمحے کو ” دل چھولینے والا اور ٹائم لیس” قرار دیا۔ اس موقع کو مزید خاص بنایا گیا کیونکہ اس کی بیٹیاں، جن کے ساتھ اس نے پہلے اپنی گریجویشن کی تقریبات کا اشتراک کیا تھا، اس کے جشن میں شامل ہوئیں۔سلویٰ نے اس بات کا اعتراف کیا کہ  سب کے تعاون نے میرے اور دوسرے طلباء کے درمیان عمر کے فرق کی وجہ سے تکلیف کو کم کرنے میں مدد کی۔ سلوا نے اپنے جذباتی سفر کا اختتام یہ کہتے ہوئے کیا: “میری آخری زندگی میں گریجویشن کا راز یہ ہے کہ میں نے مشکل چیلنجوں کا سامنا کرنے کے باوجود کبھی امید نہیں کھوئی۔ یہ ایک ایسی یاد ہے جو میرے ذہن میں نقش رہے گی چاہے میں کتنی دیر تک زندہ رہوں۔ واضح رہے کہ سعودی عرب میں  ہائی اسکول میں انٹرمیڈیٹ کے سند کو گریجویشن کا درجہ دیا جاتا ہے اور ماسٹر کی ڈگری کو بیچلر کی ڈگری کا نام دیا جاتا ہے۔

بھارت ایکسپریس۔