بین الاقوامی

Ukraine Russia War:روس کی یوکرین پر جوہری جنگ کی دھمکی کے بعد جنگ میں تیزی

Ukraine Russia War:روسی فوج نے جمعرات کو یوکرین کے مشرقی علاقے میں واقع شہر ڈونیسک کی پوری فرنٹ لائن پر شدید گولہ باری کی جس کے بعد ملحقہ علاقوں میں بھی لڑائی شدت اختیار کر گئی ہے۔

برطانوی خبر رساں ادارے روئٹرز کا کہنا ہے کہ یوکرینی فوج کے حکام نے روس پر الزام لگایا ہے کہ اس کی جانب سے عام شہریوں کے رہائشی مقامات اور نجی املاک کو نشانہ بنایا گیا ہے۔

 حکام کے مطابق ’گولہ باری سے ٹوریسک نامی قصبے میں ایک بچہ ہلاک ہوا جبکہ 12 عمارتوں کو نقصان پہنچا۔‘

ان کا مزید کہنا تھا کہ ’ ڈونیسک کی پوری فرنٹ لائن کو نشانہ بنایا گیا ہے اور لائمن کے علاقے میں موجود روسی فوج مزید پیش قدمی کی کوشش کر رہے ہیں۔‘

یہ وہی علاقہ ہے جس کو نومبر میں یوکرین کی فوج نے روسی فوجیوں سے واپس لیا تھا۔روس کی جانب سے پڑوسی ملک یوکرین پر حملے بعد کئی بار روسی فوج کو کئی مقامات سے پسپائی اختیار کرنا پڑی ہے۔

روئٹرز نے اپنے نمائندے کو عینی شاہد قرار دیتے ہوئے بتایا ہے کہ باکموت اور صوبہ لوہانسک کے قریب واقع ڈونیسک میں یوکرین فوج نے روسی حملوں کا جواب راکٹ لانچرز کے ذریعے دیا۔

گورنر اولے سینیبوف نے ٹیلی گرام ایپ کے ذریعے ایک بیان میں بتایا ہے کہ یوکرینی فوج نے روس کی جانب سے چلائے جانے والے کئی میزائلز کو راستے میں ہی نشانہ بنایا۔

خیال رہے ایک روز قبل ہی روسی صدر ولادیمیر پوتن نے کہا تھا کہ یوکرین میں جوہری جنگ کے خطرات بڑھ رہے ہیں۔ دوسری جانب امریکہ نے اس بیان کی مذمت کرتے ہوئے اسے ’لوزٹاک‘ قرار دیا تھا۔

روس کے سرکاری ٹیلی ویژن پر ایک فوٹیج نشر کی گئی تھی جس میں روسی صدر اپنے حکومتی ساتھیوں کے ساتھ موجود تھے اور انہوں نے کہا کہ ’یہ (جنگ) بہت لمبی ہو سکتی ہے۔

24 فروری کو روس کے پڑوسی ملک یوکرین پر حملے کے بعد سے مسلسل جنگ جاری ہے اس دوران روس نے کئی اہم شہروں پر قبضہ کیا اور چند علاقوں کو ریفرنڈم کر کے اپنے ساتھ بھی ملایا ہے جس پر مغربی ممالک نے اس کو شدید تنقید کا نشانہ بنایا۔

بھارت ایکسپریس

Bharat Express

Recent Posts

15 دن سے مردہ خانے میں پڑی لاش ،تدفین کے لیے سپریم کورٹ تک قانونی لڑائی ، جانئے پورا معاملہ

سالیسٹر جنرل تشار مہتا نے بدھ کو سپریم کورٹ میں دلیل دی، 'فرض کریں کہ…

38 minutes ago

Bihar News: اننت کمار سنگھ پر فائرنگ، جانئے کس گینگ نے واردات کو دیا انجام

بدنام زمانہ مجرم سونو-مونو گینگ نے موکاما بلاک کے نورنگا-جلال پور گاؤں میں موکاما کے…

39 minutes ago

Pushpak Express Train Fire: پشپک ایکسپریس میں دردناک حادثہ،آگ کی افواہ کے بعد چلتی ٹرین سے مسافروں نے لگائی چھلانگ،11 کی موت

یہ واقعہ ممبئی جانے والی پشپک ایکسپریس کے جلگاؤں اور پرانڈا اسٹیشنوں کے درمیان پیش…

1 hour ago

JD(U) Withdraws Support In Manipur: نیش کمار نے ایک پھر بارماری پلٹی، جائے کیا اصل معاملہ؟

قابل ذکر بات  یہ ہے کہ  اگست 2022 میں جے ڈی یو نے ایک بار…

2 hours ago