PM Modi Kuwait Visit: کویت میں وزیراعظم مودی نے 101 سالہ سابق آئی ایف ایس افسر سے کی ملاقات، این آرآئی ہندوستانیوں نے گرمجوشی سے کیا استقبال

PM Modi embarks on two-day visit to Kuwait: وزیراعظم نریندر مودی ہفتہ کے روز کویت پہنچے۔ وہ 43 سالوں میں اس خلیجی ملک کا دورہ کرنے والے پہلے ہندوستانی وزیراعظم بن گئے۔ کویت پہنچنے پران کا شانداراستقبال کیا گیا۔ وزیراعظم مودی  کویت کے امیرشیخ مشعل الاحمد الجابرالصباح کی دعوت پراپنے تاریخی دو روزہ دورے پریہاں پہنچے ہیں۔ توقع ہے کہ یہ دورہ ہندوستان کے خلیجی ممالک کے ساتھ قریبی تعلقات کوایک نئی سطح پر لے جائے گا۔

101 سالہ سابق ہندوستانی افسرسے کی ملاقات

اپنے دورہ کے دوران نریندر مودی نے 101 سالہ سابق انڈین فارن سروس (آئی ایف ایس) افسر منگل سین ہانڈا سے ملاقات کی اور کویت شہر کے ایک ہوٹل میں ہندوستانی برادری کے اراکین سے بات چیت کی۔ ان کے بیٹے دلیپ ہانڈا نے نیوزایجنسی اے این آئی سے بات کرتے ہوئے کہا کہ یہ پوری زندگی کا تجربہ ہے۔ وزیراعظم مودی نے کہا کہ وہ خصوصی طور پران سے (ان کے والد) ملنے کے لئے یہاں آئے ہیں۔ ہم وزیراعظم مودی کے شکرگزارہیں۔

عربی میں رامائن اور مہا بھارت

واضح رہے کہ کویت میں رامائن اور مہابھارت عربی زبان میں شائع ہوئے ہیں۔ کتاب کے پبلشرعبداللطیف النیدف اوررامائن اورمہابھارت کے عربی میں مترجم عبداللہ بیرن نے وزیراعظم مودی سے ملاقات کی۔ کتاب کے پبلشرنیدف نے کہا، ‘میں بہت خوش ہوں، یہ میرے لیے اعزاز کی بات ہے۔ پی ایم مودی اس سے بہت خوش ہیں۔ یہ کتابیں بہت اہم ہیں۔ انہوں نے (وزیراعظم مودی) دونوں کتابوں پر دستخط کئے۔

ہندوستانی غیرملکی فنکاروں کی پیش کش

وزیراعظم نریندرمودی نے ہندوستانی تارکین وطن فنکاروں کی پرفارمنس بھی دیکھی، جسے فنکاروں نے ایک قابل فخرلمحہ قراردیا۔ احتجاج کرنے والے گروپ کے ایک رکن نے اپنی خوشی کا اظہارکرتے ہوئے کہا، ‘وزیراعظم نریندرمودی نے ہماری پیشکش دیکھی۔ یہ ایک بہت ہی قابل فخرلمحہ ہے۔ یہ ہمارے لئے بہت بڑی کامیابی ہے۔ ہماری پوری ٹیم کی طرف سے ہم وزیراعظم مودی کے شکرگزارہیں۔ انہوں نے ہم سے ہمارے نام پوچھے۔ ہم بہت خوش ہیں۔ کویت پہنچنے پروزیراعظم نریندرمودی نے انسٹا گرام پرپوسٹ کیا، ‘کویت پہنچنے پرپرتپاک استقبال۔ یہ 43 سالوں میں کسی ہندوستانی وزیر اعظم کا پہلا دورہ ہے اوربلاشبہ مختلف شعبوں میں ہندوستان-کویت دوستی کو مضبوط کرے گا۔ میں آج اور کل کے پروگراموں کا منتظر ہوں۔

گارڈ آف آنر دیا گیا

وزیراعظم مودی کوبایان محل میں باضابطہ گارڈ آف آنردیا جائے گا، پھروہ کویت کے امیراورکویت کے ولی عہد سے الگ الگ ملاقاتیں کریں گے۔ اس کے بعد کویت کے وزیراعظم سے وفود کی سطح پرمذاکرات ہوں گے، جس میں دوطرفہ تعلقات کی تمام جہتوں کا جائزہ لیا جائے گا۔ ولی عہد ہندوستانی وزیراعظم کے اعزازمیں ضیافت کی میزبانی کریں گے۔ ایک کمیونٹی پروگرام میں ہندوستانی تارکین وطن کے ساتھ بات چیت کے علاوہ پی ایم مودی ایک لیبرکیمپ کا دورہ بھی کریں گے۔ وہ 26ویں عربین گلف کپ کی افتتاحی تقریب میں کویت کے امیرکی بطورمہمان خصوصی شرکت کریں گے۔

دو روزہ کویت کا دورہ

اس سے پہلے ہفتہ (21 دسمبر) صبح کویت کے دوروزہ دورے پر روانہ ہوتے ہوئے وزیراعظم نریندر مودی نے کہا تھا کہ ہندوستان اور خلیجی ممالک کے مغربی ایشیائی خطے کے امن، سلامتی اوراستحکام میں مشترکہ مفادات ہیں۔ پی ایم مودی کا کویت کا دورہ شام میں صدر بشارالاسد کی حکومت کے خاتمے اورغزہ میں اسرائیل کی جاری جارحیت کے دو ہفتے بعد آیا ہے۔ وزیراعظم مودی یہ دورہ کویت کے امیر شیخ مشعل الاحمد الجابرالصباح کی دعوت پرکررہے ہیں۔ کویت کا دورہ کرنے والی آخری ہندوستانی وزیراعظم اندرا گاندھی تھیں، جنہوں نے 1981 میں ایسا کیا تھا۔

وزیراعظم مودی نے کیا کہا؟

کویت روانہ ہونے سے پہلے ایک بیان میں وزیراعظم مودی نے کہا تھا کہ کویت کی اعلیٰ قیادت کے ساتھ ان کی بات چیت ہندوستان اورکویت کے درمیان مستقبل کی شراکت داری کے لئے روڈ میپ تیارکرنے کا ایک موقع ہوگا۔ انہوں نے کہا، ‘ہم کویت کے ساتھ ان تاریخی تعلقات کو بہت اہمیت دیتے ہیں، جونسل درنسل استوارہوئے ہیں۔ ہم نہ صرف مضبوط تجارتی اورتوانائی کے شراکت دارہیں بلکہ مغربی ایشیا کے خطے میں امن، سلامتی، استحکام اورخوشحالی میں بھی ہمارا مشترکہ مفاد ہے۔

 

وزیراعظم نریندرمودی نے کہا تھا کہ وہ کویت کے امیر، ولی عہد اوروزیراعظم کے ساتھ اپنی ملاقاتوں کا بے صبری سے انتظارکررہے ہیں۔ انہوں نے کہا، ‘یہ ہمارے لوگوں اورخطے کے فائدے کے لئے مستقبل کی شراکت داری کے لئے روڈ میپ تیارکرنے کا ایک موقع ہوگا۔ میں کویت میں ہندوستانی تارکین وطن سے ملاقات کا منتظرہوں، جس نے دونوں ممالک کے درمیان دوستی کے بندھن کومضبوط بنانے میں بہت زیادہ تعاون کیا ہے۔