Netanyahu son Yair ‘exiled’ after hitting PM: نیتن یاہو کو بیٹے نےزمین پر گرا کر مارا پیٹا اور گلا گھونٹنے کی کوشش کی،ڈر کے مارے بیٹے کو کردیا جلا وطن،سنسنی خیز انکشاف

غزہ میں جنگ بندی معاہدے میں رکاوٹ ڈالنے کی وجہ سے قابض اسرائیلی وزیراعظم بنجمن نیتن یاھو کونہ صرف فلسطینیوں اور دوسرے ممالک کی طرف سے مخالفت کا سامناہے بلکہ اسرائیل کے اندر سے بھی انہیں سخت مخالفت کا سامنا کرنا پڑ رہا ہے۔کنیسیٹ میں ڈیموکریٹک بلاک کے سربراہ یائر گولن نے اسرائیلی وزیر اعظم بنجمن نیتن یاہو پر سخت تنقید کرتے ہوئے قیدیوں کے تبادلے کے معاہدے میں رکاوٹ ڈالنے کے نتائج سے خبردار کیا۔وہیں دوسری جانب ایک اسرائیلی قانون ساز نے وزیر اعظم بنجمن نیتن یاہو کے بیٹے یائر نیتن یاہو پر اپنے والد پر مبینہ حملے کے بعد میامی جلاوطن ہونے کا الزام لگایا ہےاسرائیل کے وزیر اعظم بنجمن نیتن یاہو کے بیٹے یائر نیتن یاہو نے کنیسٹ کی خاتون رکن نعما لازیمی کے خلاف ہتک عزت کے الزام میں مقدمہ دائر کیا ہے۔ خاتون نے کہا ہے کہ یائر کو بیرون ملک اس لیے ملک بدر کر دیا گیا تھا کیونکہ اس نے اپنے والد نیتن یاہو کو تشدد کا نشانہ بنایا تھا۔ یائر اس وقت امریکہ میں مقیم ہے۔

رپورٹ کے مطابق لازیمی کے خلاف ہتک عزت کے مقدمے میں نیتن یاہو کے بیٹے نے 300,000 شیکل (تقریباً 84,000 ڈالر) کے مالی معاوضے کا مطالبہ کیا۔ لازیمی نے امریکی شہر میامی میں نیتن یاہو کے بیٹے کی رہائش گاہ کو محفوظ بنانے کے اخراجات کے بارے میں بھی استفسار کیا ہے۔انہوں نے کہا کہ میں وزیر اعظم کے بیٹے یائر نیتن یاہو کے بارے میں پوچھنا چاہتی ہوں۔ کیا یہ رقم اب بھی بجٹ میں شامل ہے اور کیا وزیر اعظم کے بیٹے کے قیام کے لیے مالی اعانت کا کوئی ارادہ ہے کیوں کہ اس نے وزیر اعظم کو مارا پیٹا اور اقتدار کی علامت کو نقصان پہنچایا تھا۔

واضح رہے کہ پچھلے دنوں یہ رپورٹ آئی تھی کہ اپنے والد وزیراعظم نیتن یاہو کو زمین پر گرا کر مار پیٹ کرنے اور ان کا گلا گھونٹنے پر یائر نیتن یاہو کو اسرائیل سے باہر بھیج دیا گیا تھا۔کویتی اخبار الجریدہ کے مطابق باپ بیٹے میں ہاتھا پائی کا یہ واقعہ حماس کے 7 اکتوبر 2023 کو اسرائیل پر حملے سے پیش آیا تھا۔وزیراعظم کی حفاظت پر مامور ایک سینیئر سیکیورٹی اہلکار نے نام نہ ظاہر کرنے کی شرط پر الجریدہ  کو بتایا کہ واقعے کے وقت خاتونِ اوّل سارہ نیتن یاہو بھی وہیں موجود تھیں۔ان کی چیخنے کی آواز سُن کر سیکیورٹی اہلکار موقع پر پہنچے اور گتھم گتھا باپ بیٹے کو ایک دوسرے سے علیحدہ کیا۔بیٹے کی جانب سے گلا گھوٹے جانے کے باعث اسرائیلی وزیراعظم کی حالت غیر تھی اور انھیں درست طریقے سے سانس لینے میں تکلیف کا سامنا تھا۔سیکیورٹی اہلکاروں نے وزیراعظم کو پانی پیش کیا لیکن مسلسل کھانسی کی وجہ سے نیتن یاہو نے الٹی کردی۔ ان کی طبیعت بحال ہونے میں کافی وقت لگا۔ اس واقعے کے بعد اسرائیلی وزیراعظم کے جارح مزاج بیٹے یائر نیتن یاہو کو امریکی ریاست فلوریڈا کے شہر میامی بھیج دیا گیا تھا۔

بھارت ایکسپریس۔