Israel-Hamas War: ہتھیار روکنے کی وجہ سے امریکہ پر برہم ہوا اسرائیل، بنجامن نیتن یاہو نے کی جو بائیڈن کی تنقید

اسرائیل اورحماس کے درمیان جنگ اب بھی جاری ہے۔ اسرائیلی فوج غزہ میں مسلسل تباہی مچا رہی ہے۔ عیدالاضحیٰ 2024 کے موقع پرفوج نے حملہ کرکے کئی لوگوں کوہلاک کردیا۔ اس کے ساتھ ساتھ امریکہ جنگ بندی کے لئے مسلسل کوششیں کررہا ہے۔ دریں اثناء اسرائیلی وزیراعظم بنجامن نیتن یاہونے دعویٰ کیا کہ امریکہ ہتھیارروک رہا ہے اوراس کا مطلب یہ ہے کہ امریکہ غزہ کے جنوبی شہررفح میں اسرائیل کی کارروائی کوسست کررہا ہے، جہاں لڑائی پہلے ہی فلسطینیوں کے لیے تباہی کا باعث بنی ہوئی ہے اورسنگین انسانی صورت حال کو مزید سنگین بنا دیا گیا ہے۔

جو بائیڈن نے غزہ میں اسرائیلی شہریوں کی ہلاکت کے خدشات کے پیش نظرمئی سے کچھ بھاری بموں کی فراہمی میں تاخیرکی ہے۔ ساتھ ہی انتظامیہ بھی اس معاملے میں کسی قسم کی تجویزسے بچنے کی ہرممکن کوشش کر رہی ہے۔ اسرائیل نے امریکہ کے اس قدم پربرہمی کا اظہارکیا ہے۔ وزیراعظم بنجامن نیتن یاہو نے ہتھیاروں کی منتقلی میں رکاوٹوں پرامریکی صدرپرسخت تنقیدکی ہے۔

امریکہ پرہتھیارروکنے کا الزام

بنجامن نیتن یاہو نے کہا کہ یہ سمجھ سے بالاتر ہے کہ گزشتہ کچھ ماہ میں جو بائیڈن انتظامیہ اسرائیل کے ہتھیار اورگولہ بارود روک رہا ہے۔ انہوں نے کہا کہ ہمیں اسلحہ دیجئے اورہم کام بہت تیزی سے پورا کریں گے۔ اس کے ساتھ ہی انہوں نے یہ بھی دعویٰ کیا کہ امریکی وزیرخارجہ انٹونی بلنکن نے حال ہی میں اسرائیل کے دورے میں کہا تھا کہ وہ تاخیرکو ختم کرنے کے لئے 24 گھنٹے کام کررہے ہیں۔

امریکی وزیرخارجہ انٹونی بلنکن نے دی صفائی