Israel-Palestine Conflict: اسرائیلی فوج ہوائی حملوں کے بعد غزہ میں داخل، روس نے کی جنگ بندی کی پیشکش، نیتن یاہو نے زمینی آپریشن کو بتایا آغاز

Israel Palestine War Latest Update: اسرائیل-فلسطین جنگ میں غزہ پٹی تباہی کی دہلیزپرہے۔ اسرائیلی فوج غزہ میں داخل ہوچکی ہے اور عوام سے غزہ کوخالی کرالیا گیا ہے۔ اسرائیل گزشتہ 7 دنوں سے اسرائیلی ایئرفورس غزہ پتی پرہوائی حملے کر رہی ہے۔ ایئرفورس غزہ پٹی میں حماس کے ٹھکانوں کو تباہ کرنے کے ساتھ ہی اسپتالوں اوررہائشی عمارتوں کو بھی نشانہ بنا رہی تھی۔ اسرائیلی فوج غزہ پٹی میں داخل ہوچکی ہے۔ وہ غزہ پرجگہ جگہ چھاپہ ماری کر رہی ہے۔

اسرائیلی فوج کے ایک بیان میں کہا گیا ہے کہ گزشتہ 24 گھنٹوں میں آئی ڈی ایف (اسرائیلی فوج) اہلکاروں نے جنگجوؤں اورہتھیاروں کو ختم کرنے کی کوشش کو پورا کرنے کے لئے غزہ پٹی علاقے کے اندرچھاپہ ماری کی۔ حملوں کے بعد گھنی آبادی والے غزہ علاقے پراسرائیلی ایئراسٹرائیک میں کم از کم 1,900 فلسطینی شہری ہلاک ہوئے ہیں، جن میں 600 سے زیادہ بچے بھی شامل ہیں۔

منتقل ہوتے ہوئے نظرآئی فلسطینی عوام

جانکاری کے مطابق، حماس کے کئی مزاحمت کاروں کو پکڑلیا ہے۔ اس سے پہلے اسرائیلی ایئرفورس نے پرچی گراکرغزہ پٹی کے جنوبی حصے میں رہنے والے لوگوں کو گھرخالی کرنے کی وارننگ دی تھی۔ جبکہ حماس نے لوگوں کوگھروں میں رہنے کی اپیل کی تھی۔ حالانکہ حماس کی اپیل کے باوجود لوگ بڑے پیمانے پرنقل مکانی کررہی ہیں۔ لوگوں کے غزہ چھوڑنے کا ویڈیو بھی سوشل میڈیا پرسامنے آیا ہے۔

روس کی پیشکش کا حماس نے کیا احترام

وہیں دوسری جانب، اقوام متحدہ کی سلامتی کونسل کی میٹنگ میں روس نے اسرائیل اورفلسطین کے درمیان جنگ بندی کی اپیل کی ہے۔ جانکاری کے مطابق، روس نے امن کی تجویزکا مسودہ پیش کیا ہے۔ حماس نے روس کی جنگ بندی کی پیشکش کا احترام کیا ہے۔

یہ بھی پڑھیں:  Israel-Palestine Conflict: غزہ میں یرغمال اپنے شہریوں کو مار رہا ہے اسرائیل، اب تک 13 ہلاک، حماس نے کیا بڑا دعویٰ

 شیروں کی طرح لڑ رہی ہے ہماری فوج: نیتن یاہو

اسرائیلی وزیراعظم نیتن یاہو نے کہا کہ ہمارے ملک کی فوج شیروں کی طرح لڑ رہی ہے۔ انہوں نے کہا کہ غزہ پرحملے ابھی ابتدائی مرحلے میں ہیں۔ ہم اپنے دشمنوں کے مظالم کو کبھی نہیں بھول سکتے اور نہ ہی ان مظالم کو بھولنے دیں گے۔ ہم اپنے دشمنوں پربڑی طاقت اورمضبوطی سے حملہ کر رہے ہیں۔ اس درمیان حماس نے شمالی غزہ سے منتقل ہو رہے لوگوں کو نشانہ بنانے کا الزام لگایا ہے۔ حماس نے کہا کہ اسرائیلی ایئرفورس کے حملوں میں اب تک 70 افراد جاں بحق ہوئے ہیں۔