Israel war on Gaza: حماس کے سربراہ اسماعیل ہنیہ کو ایران میں کیا گیا قتل، پاسداران انقلاب نے کی تصدیق

Israel war on Gaza: اسرائیل نے ایران کے خلاف بڑی کارروائی کی ہے۔ اسرا ئیل نے حماس کے سربراہ اسماعیل ہنیہ کو حملے میں ہلاک کر دیا۔ ایران کے اسلامی انقلابی گارڈ کور (IRGC) نے ایک بیان میں اس بات کی تصدیق کی ہے کہ حماس کے سربراہ اسماعیل ہنیہ اور ان کے ایک محافظ کو تہران میں ان کی رہائش گاہ کو نشانہ بنانے کے بعد ہلاک کر دیا گیا ہے۔ الجزیرہ  کی رپورٹ کے مطابق ایران کے اسلامی انقلابی گارڈ کور (IRGC) نے اس کی تصدیق کی ہے۔ بتایا گیا ہے کہ تہران میں ان کی رہائش گاہ پر ہونے والے حملے میں حماس کے رہنما اسماعیل ہنیہ اور ان کا محافظ ہلاک ہو گئے ہیں۔ آئی آر جی سی نے کہا کہ حملہ بدھ کی صبح ہوا اور اس کی تفتیش جاری ہے۔ آئی آر جی سی نے اس پر افسوس کا اظہار کیا ہے۔ حماس نے ہنیہ کی موت کا ذمہ دار اسرائیل کو ٹھہرایا ہے۔ یہ واقعہ ایران کے نئے صدر کی تقریب حلف برداری میں ہنیہ کی شرکت اور منگل کو ایران کے سپریم لیڈر سے ان کی ملاقات کے بعد پیش آیا۔

اسرائیل پر قتل کا شبہ!

فوری طور پر کسی نے اس قتل کی ذمہ داری قبول نہیں کی، لیکن شبہ اسرائیل پر پڑ گیا، کیونکہ اسرائیل نے 7 اکتوبر کو حماس کے حملے کے بعد اسماعیل ہنیہ اور حماس کے دیگر رہنماؤں کو قتل کرنے کا عزم کیا تھا۔ ہنیہ ایرانی صدر مسعود پجشکیان کی تقریب حلف برداری میں شرکت کے لیے منگل کو تہران میں تھے۔ ایران نے اس بارے میں کوئی تفصیلات فراہم نہیں کیں کہ ہنیہ کو کیسے قتل کیا گیا۔

یہ بھی پڑھیں- British-Pakistani Islamic Preacher : مشہور مبلغ انجم چوہدری کو ملی عمر قید کی سزا،برطانیہ کےشاہی محل کو مسجد میں تبدیل کرنے کی خواہش کا کرچکے تھے اظہار

اسرائیل نے نہیں دیا کوئی جواب

ایران کے سرکاری ٹیلی ویژن پر تجزیہ کاروں نے فوری طور پر اس حملے کا الزام اسرائیل پر ڈالنا شروع کر دیا۔ تاہم خود اسرائیل نے ابھی تک کوئی تبصرہ نہیں کیا ہے۔ وائٹ ہاؤس کی جانب سے بھی فوری طور پر کوئی ردعمل سامنے نہیں آیا ہے۔ یہ قتل ایسے وقت میں ہوا ہے جب بائیڈن انتظامیہ حماس اور اسرائیل کے درمیان جنگ روکنے کی کوشش کر رہی ہے۔ غزہ کی وزارت صحت کے مطابق اکتوبر سے اب تک حملوں میں 39,360 سے زائد فلسطینی ہلاک اور 90,900 سے زائد زخمی ہو چکے ہیں۔

-بھارت ایکسپریس