Iran-Israel Conflict: اسپتال پر حملے سے بوکھلایا اسرائیل، وزیر دفاع کا اعلان- اب سپریم لیڈر آیت اللہ علی خامنہ ای کو دیں گے سزا

تہران پرہورہے حملے کی مخالفت میں ایران نے جمعرات کواسرائیل کے ایک اسپتال پرحملہ کردیا۔ اسرائیلی افسران کے مطابق، اس حملے میں 6 لوگ شدید طورپرزخمی ہوگئے ہیں۔ 20 سے زیادہ لوگ جزوی طورپرزخمی ہیں۔ ایران کے اس حملے میں اسپتال پوری طرح سے تباہ ہوگیا ہے۔ ایران کا کہنا ہے کہ یہ اسپتال اسرائیل ڈیفنس فورس کے کمانڈ ایریا میں ہے، جس کی وجہ سے اس پرحملہ کیا گیا ہے۔

سپریم لیڈر نے ٹرمپ کو دی تھی وارننگ

ایک دن پہلے ہی آیت اللہ علی خامنہ ای کے ٹھکانوں پراسرائیلی ڈیفنس فورس کی طرف سے حملہ کیا گیا تھا۔ یہ حملہ ایسے وقت میں ہوا، جب اس سے کچھ دیر پہلے ہی انہوں نے امریکی صدرڈونالڈ ٹرمپ کو وارننگ دیتے ہوئے کہا تھا کہ ایران سرینڈرنہیں کرے گا۔ ایران کے سپریم لیڈرآیت اللہ علی خامنہ ای نے امریکہ کووارننگ دی کہ امریکی فوج اگراسرائیلی حملوں میں شامل ہوئی توہم انہیں ایسا نقصان پہنچائیں گے کہ وہ سوچ بھی نہیں سکتے ہیں۔

ٹرمپ نے ایران کو سرینڈرکرنے کی دی تھی وارننگ

خبر رساں ادارے رائٹرس کی رپورٹ کے مطابق، ڈونالڈ ٹرمپ ایرانی جوہری تنصیبات پرحملے میں اسرائیل کی حمایت اوردیگرآپشنزپرغور کررہے ہیں۔ ٹرمپ نے ایران کوغیرمشروط طورپرہتھیارڈالنے کی تنبیہ کرتے ہوئے کہا تھا کہ “امریکہ جانتا ہے کہ ایران کا سپریم لیڈرکہاں چھپا ہوا ہے، ہم فی الحال اس پرحملہ نہیں کریں گے، لیکن ہمارا صبرآہستہ آہستہ ختم ہورہا ہے”۔ ٹرمپ کے انتباہ کے بعد آیت اللہ علی خامنہ ای نے کہا کہ ایران ہتھیارنہیں ڈالے گا۔ انہوں نے کہا کہ ایران مسلط کردہ امن یا جنگ کوقبول نہیں کرے گا۔ انہوں نے اس بات کا بھی اعادہ کیا کہ ایران کی افواج پوری طرح تیارہیں اورانہیں حکومت اورعوام دونوں کی حمایت حاصل ہے۔