US Strikes on Iran Nuclear Sites: ایران کی نیوکلیئر سائٹ کو شدید نقصان ، بی ٹو بمبار طیار ں نے  مچائی تباہی ، جانئےفضائی حملے کے بعد ٹرمپ نے کس کا ادا کیا شکریہ

امریکی صدر ڈونلڈ ٹرمپ نے اتوار (22 جون 2025) کو ایران پر فضائی حملوں کے حوالے سے بڑا بیان دیا ہے۔ انہوں نے کہا کہ ایران کے ایٹمی مقامات کو بھاری نقصان پہنچا ہے اور امریکی فوج نے بڑی مہارت کا مظاہرہ کیا ہے۔

جب آپ گہری نیند میں سو رہے تھے، ٹھیک اُسی وقت امریکی فضائیہ نے ایران کے تین جوہری تنصیبات کونشانہ بنایا۔ امریکی ایئر فورس نے ایران کے تین اہم جوہری ٹھکانوں فردو، نطنز اور اصفہان ، کو B-2 اسٹیلتھ بمبار اور GBU-57 یعنی بنکر بسٹر بم سے تباہ کر دیا۔ یہ 30,000 پاؤنڈ وزنی بم ایسی تباہی مچا سکتا ہے جس کا تصور بھی نہیں کیا جا سکتا۔ ان حملوں کے بعد اسرائیل اور ایران کے درمیان جنگ کے مزید شدت اختیار کرنے کا خدشہ ظاہر کیا جا رہا ہے۔

اس حملے میں خاص طور پر B-2 اسپرٹ اسٹیلتھ بمبار اور F-22 ریپٹر جیٹس کا استعمال کیا گیا، جو ریڈار سے اوجھل رہنے کی اپنی صلاحیت کے لیے مشہور ہیں۔ B-2 بمبار طیاروں کا استعمال خاص طور پر ایران کے زیرِ زمین ایٹمی ٹھکانوں کو تباہ کرنے کے لیے کیا گیا۔

ٹرمپ نے اپنے بیان میں کہا، “ایران کے جوہری مقامات کو پہنچنے والا نقصان تاریخی ہے۔ حملے بالکل درست اور انتہائی موثر تھے۔ ہماری فوج نے زبردست مہارت دکھائی۔ شکریہ!”

ایران کے خلاف فضائی حملے کے بعد ٹرمپ نے کیا کہا؟

ڈونلڈ ٹرمپ نے ایران کے خلاف فضائی حملے کے بعد کہا تھا کہ امریکا کا مقصد ایران کی جوہری افزودگی کی صلاحیت کو مکمل طور پر تباہ کرنا اور دہشت گردی کو فروغ دینے والے خطرناک ترین ملک کو جوہری ہتھیار بنانے سے روکنا ہے۔ ٹرمپ نے کہا، “میں آج رات کے حملے کو ایک بڑی فوجی کامیابی کہوں گا۔ ایران کے بڑے جوہری مقامات کو مکمل طور پر تباہ کر دیا گیا ہے۔ اب امن کا وقت آ گیا ہے۔”

صدر ٹرمپ نے ایران کو خبردار کر دیا

صدر ٹرمپ نے واضح طور پر ایران کو خبردار کیا کہ اگر اب کسی نے کوئی قدم اٹھایا تو امریکہ کا ردعمل اس سے کہیں زیادہ مہلک ہوگا۔ انہوں نے کہا کہ اب ایران کے پاس دو ہی راستے ہیں یا تو امن، یا پھر تباہی اور اگر وہ تباہی کا انتخاب کرتا ہے تو اس تباہی کی تصویر بھیانک ہو گی۔

ٹرمپ نے پرانے واقعات کا ذکر کیا

اپنے خطاب میں ٹرمپ نے تاریخ میں ایران کی طرف سے کیے گئے حملوں کی بھی یاد دلائی۔ انہوں نے کہا کہ “ایران پچھلے 40 سالوں سے امریکہ مردہ باد اور اسرائیل مردہ باد کے نعرے لگا رہا ہے، ان کے بموں نے ہمارے فوجیوں کو نقصان پہنچایا ہے۔ قاسم سلیمانی جیسے جرنیلوں نے سینکڑوں لوگوں کو مارا، اب یہ نہیں چلے گا۔”

ایران میں ابھی بہت سے اہداف باقی ہیں: ٹرمپ

ٹرمپ نے یہ بھی کہا کہ امریکہ کے پاس مزید ایرانی اہداف کے بارے میں معلومات ہیں۔ انہوں نے کہا، “آج کا حملہ اب تک کا سب سے سخت اور شاید سب سے زیادہ تباہ کن تھا، لیکن ابھی بہت سے مزید اہداف باقی ہیں۔”

بھارت ایکسپریس اردو