Iran-Israel Ceasefire: ایران نے آخری وقت تک نہیں تسلیم کی شکست، کیسے رک گئی اسرائیل سے جنگ؟

قطرکے امیراس اعلان تک رہے متحرک 

رپورٹ کے مطابق، قطرکے امیراور وزیراعظم جنگ بندی کے اعلان تک متحرک رہے۔ دونوں مسلسل امریکی صدرڈونالڈ ٹرمپ اورنائب صدرجے ڈی وینس سے بات کرتے رہے۔ آپ کو بتا دیں کہ ایران نے پیرکی آدھی رات کوقطرپرمیزائل حملہ کیا تھا۔ ایران نے دوحہ میں امریکی ایئربیس پر6 میزائل داغے۔ قطرآگے بھی مزید حملوں سے خوفزدہ تھا۔

وٹکوف کے فون پرایران نے رکھ دی شرط

ایکسیوس نے وائٹ ہاؤس کے ذرائع کے حوالے سے بتایا کہ جیسے ہی وٹکوف نے ایران کے وزیرخارجہ کوفون کیا، وزیرخارجہ نے ایک شرط رکھ دی۔ ایران کے وزیرخارجہ عباس عراقچی نے کہا کہ معاملات صرف اس صورت میں ٹھیک ہوسکتے ہیں جب اسرائیل حملہ روکے۔عراقچی کے مطابق، اسرائیل نے جنگ شروع کی۔ حملے کو روکنا بھی اس کا کام ہے۔ اگراسرائیل حملہ روک دے توہم بھی حملہ نہیں کریں گے۔ فون پروٹکوف نے ایران کویقین دلایا کہ اسرائیل اگلے 24 گھنٹوں کے بعد حملہ نہیں کرے گا۔ ایران کے وزیرخارجہ سے فون پربات کرنے کے بعد وِٹکوف نے اپنا پیغام وائٹ ہاؤس کوبھیجا۔ اس کے بعد امریکی صدرنے جنگ بندی کا اعلان کیا۔

جنگ بندی کے بعد اب کیا ہوگا؟

اسرائیل اور امریکہ کی کوشش تھی کہ ایران کی یورینیم کی افزودگی ختم کی جائے۔ اس حکمت عملی کے تحت امریکہ نے ایران کی 3 ایٹمی تنصیبات کونشانہ بنایا۔ تاہم ایران کا کہنا ہے کہ وہاں یورینیم نہیں تھا۔ دی ٹیلی گراف برطانیہ کی رپورٹ کے مطابق، ایران نے حملے سے قبل 400 کلوگرام یورینیم منتقل کیا۔ اس بارے میں کسی کوکوئی اطلاع نہیں ہے۔ اسرائیل کا کہنا ہے کہ ایران ایک یا دوسال تک جوہری بم تیار نہیں کرسکے گا۔ آگے کیا ہوگا اس کا انحصاربڑی حد تک ایران کی اگلی حکمت عملی پرہوگا۔