Afghanistan Floods: افغانستان میں شدید بارشوں کے باعث سیلاب میں 50 افراد ہلاک، درجنوں افراد لاپتہ

اسلام آباد: افغانستان کے صوبہ گور میں شدید بارشوں کے باعث کئی مقامات پر اچانک سیلاب کی وجہ سے کم از کم 50 افراد ہلاک ہو گئے ہیں۔ طالبان کے ایک عہدیدار نے ہفتہ کے روز یہ اطلاع دی۔ عہدیدار نے کہا کہ مرنے والوں کی تعداد ابتدائی معلومات پر مبنی ہے اور اس میں اضافہ ہو سکتا ہے۔

صوبہ گور کے گورنر کے ترجمان عبدالواحد حماس نے بتایا کہ درجنوں افراد لاپتہ ہیں۔ انہوں نے یہ بھی کہا کہ جمعہ کے سیلاب کے بعد صوبے کو بہت زیادہ مالی نقصان پہنچا ہے کیونکہ دارالحکومت فیروز کوہ سمیت مختلف علاقوں میں ہزاروں مکانات اور املاک کو نقصان پہنچا اور سیکڑوں ہیکٹر زرعی اراضی تباہ ہو گئی۔

بتا دیں کہ گزشتہ ہفتے اقوام متحدہ کے فوڈ ایجنسی نے کہا تھا کہ افغانستان میں غیر معمولی طور پر شدید موسمی بارشوں سے 300 سے زائد افراد ہلاک اور ہزاروں گھر تباہ ہو گئے ہیں۔

بھارت ایکسپریس۔