Sara Tendulkar: سارہ تندولکر کا دلکش انداز، بھابھی کے ساتھ دیے پوز، مداحوں کو گنیش چترتھی کی مبارکباد

ملک بھر میں ان دنوں گنپتی اتسو کی دھوم ہے۔ عام لوگوں کے ساتھ ساتھ ملک کی کئی معروف شخصیات بھی یہ تہوار جوش و خروش کے ساتھ منا رہی ہیں۔ بھارت کے سابق کرکٹر سچن تندولکر نے بھی گھر میں گنپتی بپا کا استقبال کرتے ہوئے مداحوں کو تہوار کی مبارکباد دی۔ وہیں ان کی بیٹی سارہ تندولکر بھی گنپتی اتسو کے رنگ میں رنگی نظر آئیں۔ سارہ نے سوشل میڈیا پر اپنی کچھ تصاویر شیئر کی ہیں، جن میں انہوں نے اپنی بھابھی سانیا چنڈوک کے ساتھ بھی پوز دیے ہیں۔

سارہ نے مداحوں کو گنیش اتسو کی مبارکباد دی

سارہ تندولکر نے منگل کی صبح انسٹاگرام پر تصاویر اور ویڈیوز شیئر کیں۔ ان میں ان کے والد سچن تندولکر گھر میں گنپتی جی کی آرتی کرتے ہوئے نظر آ رہے ہیں۔ تصاویر شیئر کرتے ہوئے سارہ نے لکھا، ’’مودک، آرتی، لذیذ کھانا، خاندان، دوست اور بپا کے گھر میں موجود ہونے کا خاص احساس۔ گنیش چترتھی کی مبارکباد۔‘‘اگرچہ اس پوسٹ میں سارہ کی صرف ایک تصویر تھی، لیکن منگل کی شام انہوں نے ایک اور پوسٹ شیئر کرکے اپنا گنپتی لُک دکھایا، جس نے مداحوں کی توجہ اپنی جانب کھینچ لی۔

سارہ کی خوبصورتی پر فدا ہوئے مداح

سارہ تندولکر نے اپنی کئی تصاویر شیئر کرتے ہوئے کیپشن میں ’’گنپتی سیزن‘‘ لکھا اور اس کے ساتھ ہاتھ جوڑنے والی علامت بھی بنائی۔ پہلی تصویر میں سارہ مسکراتے ہوئے پوز دیتی نظر آئیں، جبکہ دوسری تصویر میں وہ کیمرے کی جانب دیکھ کر پوز دے رہی ہیں۔

بھابھی سانیا کے ساتھ بھی دیا پوز

تیسری تصویر میں بھی سارہ کیمرے کی طرف دیکھ کر پوز دیتی نظر آئیں، جبکہ چوتھی تصویر میں انہوں نے بپا کی جھلک دکھائی۔ اس تصویر میں سچن تندولکر کی بیٹی گنپتی بپا کو نہارتی ہوئی نظر آ رہی ہیں۔پانچویں تصویر میں سارہ اکیلی نہیں بلکہ اپنی بھابھی سانیا چنڈوک کے ساتھ نظر آئیں۔ بھابھی اور نند کی اس جوڑی کو مداحوں نے بھی خوب پسند کیا۔سارہ کے گنپتی لُک نے خاص طور پر مداحوں کی توجہ حاصل کی۔ انہوں نے ساڑی کے ساتھ بھاری زیورات زیب تن کیے تھے۔ گلے میں ہار، کانوں میں جھمکے اور ہاتھوں میں چوڑیاں ان کے انداز کو مزید
خوبصورت بنا رہی تھیں۔ سارہ نے بالوں میں گجرا بھی سجا رکھا تھا، جو ان کی خوبصورتی میں مزید اضافہ کر رہا تھا۔

بھارت ایکسپریس اردو