عامرخان کی آن اسکرین بیٹی کی درد ناک موت، پہلے جسم میں بھرا تھا پانی، پھرپھیپھڑوں کوپہنچا نقصان

عامرخان کی آن اسکرین بیٹی اوراداکارہ سہانی بھٹناگراب اس دنیا میں نہیں ہیں۔ سہانی بھٹناگرنے عامرخان کی مقبول فلم ’دنگل‘ میں چھوٹی ببیتا کا رول ادا کیا تھا۔ سہانی کے رول کولوگوں کا بے حد پیارملا تھا۔ اپنے کام سے لوگوں کے دلوں میں جگہ بنانے والی سہانی آج بھی لوگوں کے دلوں میں زندہ ہیں، لیکن جب ان کی موت کی خبرآئی تھی توہرکوئی حیران رہ گیا تھا۔

سہانی کا ہوا تھا ایکسیڈنٹ

سال 2024 میں 16 فروری کو آئی ایک بے حد مایوس کن خبرنے نہ صرف انڈسٹری بلکہ پورے ملک کوہلاکررکھ دیا تھا۔ 19 سال کی سہانی بھٹناگرکی موت کی خبرنے ہرکسی کو حیران کردیا تھا۔ ڈاکٹروں کی تمام کوششوں کے بعد بھی سہانی بھٹناگرکونہیں بچایا جاسکا تھا۔ رپورٹس کے مطابق، ان کا ایکسیڈنٹ ہوا تھا اورعلاج کے دوران ڈاکٹرکی دوائی کا سائیڈ ایفکٹ ہوا تھا، جس کے سبب ان کے پورے جسم میں پانی بھر گیا تھا۔ بہرحال وہ زندگی کی جنگ ہارگئیں اورہمیشہ ہمیش کے لئے اس دنیا سے چلی گئیں۔