Earthquake tremors felt in Delhi and parts of north India: دہلی-این سی آر، چندی گڑھ اور جموں وکشمیر میں زلزلہ کے تیز جھٹکے، پاکستان اور چین میں بھی کیا گیا محسوس

دہلی-این سی آر میں منگل کے روز دوپہر کے وقت زلزلہ کے تیز جھٹکے محسوس کئے گئے۔ اس کے علاوہ جموں وکشمیر اور چندی گڑھ میں بھی جھٹکے محسوس کئے گئے۔   یہ زلزلہ  ایک بجکر 13 منٹ پر آیا۔ ای ایم ایس سی کے مطابق، زلزلے کا مرکز جموں وکشمیر میں کشتواڑ سے 30 کلو میٹر جنوب مشرق تھا۔ ریکٹر اسکیل پر اس کی شدت 5.7 تھی۔

ہندوستان کے مختلف علاقوں کے علاوہ پاکستان اور چین میں بھی زلزلہ آنے کی خبر ہے۔ بتایا جا رہا ہے کہ پاکستان اور چین کے کئی علاقوں میں زلزلے کے جھٹکے شدت سے محسوس کئے گئے۔

اس سے قبل مارچ میں ہندوستان کے کئی ریاستوں میں بھی زلزلہ کے تیز جھٹکے محسوس کئے گئے تھے۔ ریکٹراسکیل پر زلزلہ کی شدت 6.6  تھی۔ زلزلے کا اثر دہلی- این سی آر، اترپردیش، جموں وکشمیر، ہماچل پردیش اور اتراکھنڈ سمیت پورے شمالی ہندوستان میں تھا۔ زلزلے کا مرکز افغانستان کا ہندو کش علاقہ تھا۔